ღრუბლოვან სერვისებზე მიგრაცია

მიგრაციის გეგმაში განისაზღვრება მომხმარებელთა რაოდენობა, არსებული ელფოსტის სისტემა, სამიზნე პაკეტი, DNS ცვლილებები და გადასვლის დამტკიცებაზე პასუხისმგებელი პირი. საჭიროებისამებრ ვგეგმავთ იდენტობის მართვას, ადმინისტრატორის უფლებებს, SPF/DKIM/DMARC ჩანაწერებსა და საფოსტო ყუთების ეტაპობრივ გადატანას.

Google Workspace-სა და Microsoft 365-ში შენახვა თავისთავად არ ნიშნავს დამოუკიდებელ სარეზერვო ასლს. გარე ასლის საჭიროება ცალკე განისაზღვრება, მაგალითად Acronis-ის ან Veeam-ის გამოყენებით.

ვამოწმებთ გარემოს, ვტესტავთ მცირე ჯგუფზე, შემდეგ კი მომხმარებლებს ეტაპობრივად გადავიყვანთ ახალ სისტემაზე. საჭიროების შემთხვევაში გაშვების შემდეგ ადმინისტრირებასა და ადგილობრივ ანგარიშსწორებასაც IT CARE უზრუნველყოფს შეთანხმებული პირობებით.

ეს სერვისი განკუთვნილია კომპანიებისთვის, რომლებსაც სჭირდებათ სამომხმარებლო ელფოსტიდან ან მოძველებული ადგილობრივი სერვერიდან ბიზნესპლატფორმაზე გადასვლა. გეგმა კონკრეტული გარემოს შეფასების საფუძველზე მზადდება.